立法會主席范太去留成疑，追隨佢多年嘅秘書長馮載祥就會喺出年退休，立法會噚日出廣告請新秘書長。呢個位人工連津貼月薪逾19萬元，媲美局長3年合約後仲有底薪總額一成半約滿酬金。立法會議員黨爭激烈，秘書長少啲政治手腕都搞唔掂，前幾年政府緊縮開支，秘書處要設法節流，否則議員被指大花筒隨時要揹鑊，煲呔挑戰立法會鬥慳電，一句戲言足以玩殘秘書處，所以呢個位唔易坐。由於呢個級數「高手」難求，所以除咗公開招聘，立法會都唔排除內部揀蟀，八方聽聞現任助理秘書長吳文華係熱門人選之一。
立法會噚日搞開放日，應該係范太最後一次以主席身份帶市民參觀，近排陳太個座位惹起茶杯裏的風波，市民排隊坐吓佢個位，試吓有幾好坐。