最近在網上論壇，看到一個癡心的Penny（夏達威）fans「chickenbun」，終有機會在邁亞密看到偶像，之後喜不自勝post上幾十張相，與網友分享喜悅。如你是九十年代開始睇波，自會明白靚仔兼好波的Penny仔，當年如何風靡一時，甚至誇張到令奧蘭多球迷甘心放棄「巨無霸」。試問，3字頭的你和我，有那個未睇個Li'lPenny廣告，和買過他的球鞋？
時光荏苒，正如我一個曼聯迷朋友，早前一齊睇波時驚道傑斯「仔」頭頂漸現的地中海，和他有幾分相似；這個Penny「仔」，也非昔日在魔術那個動不動就三、四十分的球星，如今的Penny只是熱火中最不起眼的一抹綠葉。那又如何？正如「chickenbun」所說：「真係好開心，support咗penny已有13年，今日終於見到佢啦。好可惜，（佢）1分鐘都冇得打……，不過，都係好excited，因為我走落去同佢影相嗰陣，佢仲同我打招呼！」當我們都由「仔」變「佬」時，就讓我們的偶像，永遠的Penny「仔」吧！
文：仙道彬