久未露面的譚玉梅前晚出席內衣店開幕禮時，透露其投資高級餐廳大計終告落實，她說：「我會喺北京開一間超五星級嘅中國餐館，投資100萬美金（約780萬港元）左右，我唔鍾意有拍檔，所以係我一個人獨資開。會賣中菜，主要賣滿漢全席，我係漢族人，又來自哈爾濱，好啱囉。我對自己要求高，所有餐具都要買名牌，𠵱家搵緊高人改一個好名，應該個名都係同漢族有關。」
妹妹懷孕
問譚玉梅為何不在上海跟何琍琍打對台？她即說：「我男友喺北京呀，同埋北京好呀，啲人又有文化，又講究食。舖頭應該5月開幕，趕喺奧運前開。」她又透露妹妹譚紅梅已懷有多月身孕，並在蘭桂坊開設私房菜。