韓星河知雲噚日下午去到首爾一間殘障學校，同校內嘅小朋友一齊玩遊戲做美勞，預祝08年嘅來臨。善心爆棚嘅河知雲同影迷會會員，喺過去嘅一年舉行咗「SmileAgain」計劃，透過義工等活動幫助當地殘障小朋友。慈善團體噚日就特別送咗個獎狀畀河知雲，感謝佢嘅鼎力支持。河知雲話希望每位都可以開開心心生活，同埋積極幫助身邊嘅朋友喎。