Stephy和緋聞男友方力申合唱是演唱會另一高潮，小方戴了眼罩和她合跳華爾滋，掃她的手臂和腰，又吻她的手，現場觀眾連連尖叫，兩人含情對望時，Stephy因忍不住笑而甩嘴。早前鍾欣桐（阿嬌）指小方跳舞「硬過鬼」，不能教Stephy跳舞，小方前晚在台上說：「跳舞好易handle，我學咗五日，係咪似學咗五星期呢，不過係有少少硬嘅。」事後Stephy表示小方跳舞有進步，問可覺他舞姿僵硬，她說：「OK喎，我feel到佢唔係好硬，不過我feel到佢成日電我囉。」
阿嬌認過份
此外，Twins昨日在奧海城出席英皇娛樂台活動，阿嬌自認對小方的評論太過份，她說：「我之後有打電話畀佢，想同佢講過份咗，同佢講唔好意思，但係佢冇聽電話，唔知係唔係綵排緊。」提到Stephy讚小方舞姿不生硬時，阿嬌就說：「咁咪好，有進步。」
採訪、攝影：駱華齡
捧場小八卦：鄧啱音打氣
不少好友都送花牌祝賀Stephy演出成功，其中有兩個巨型花牌特別矚目，一個是Stephy緋聞男友、導演葉念琛所送，以「親愛的女主角」形容Stephy；另一個是導演彭浩翔、杜汶澤的「不是兄弟有限公司」所送，最有趣是，抬頭不是「鄧走音」，而是「鄧啱音」（圖）。
捧場小八卦：冧到男fans失憶
Stephy表示想拍拖，於是在觀眾席選了一名專程由美國回港睇騷的男歌迷Kenny（圖）上台和她拖手仔，Stephy獻唱《青山散步》時全程拖實男方，臨尾更將頭挨在男fans膊頭，令他受落不已，不時眼甘甘望着Stephy，不過Stephy叫他唱幾句時，Kenny卻聲稱不記得歌詞。
賞析角：表現緊張 舞見苦功
Stephy在處女個唱中表現略為緊張，走偶像路線的她，歌迷要求不會太高。至於快歌環節中，向來舞藝不精的Stephy應該下了苦功，一些有難度的舞蹈動作也可以應付，不過和職業舞蹈員一起跳相同動作時，舞姿就略嫌生硬。演唱會由陳家倫監製，所以帶點無綫騷的影子，Stephy的服飾雖然性感，但也有點娘味，不過相信喜歡Stephy的男歌迷會收貨。
網中吟--網友：歌藝不予置評
鄧麗欣前晚舉行處女個唱，網友向來十分「關注」她的唱功，有網友看過演唱會後在討論區留言談論Stephy的表現。
loveMB（香港討論區）：
我覺得成晚都好正呀，佢啲唱功好咗好多多多多……
tommy111（uwants討論區）：
昨晚看完演唱會後，覺得無論舞台設計、化妝、服飾和音響都滿意。
karcy1（uwants討論區）：
佢嘅歌藝就不予置評喇，走音依然。我覺得有少少悶，好多嘢都需要改善。
peter064（uwants討論區）：
Stephy真係好盡力，第一次現場睇佢跳舞，最慘啲人唔團結，氣氛差少少。