zoneF
工展會場內有200幾個攤位，行咗一半已經開始腳仔軟，雖然唔少攤位都有新產品畀你試食，但點都要坐低Hea一Hea填飽個肚，繼續搏殺。今年美食廣場有鴻星、蛋撻王、街知巷聞、沙嗲王等食肆，各店推出特色美食，必試新口味榴槤蛋撻、沙茶豬肉撻，仲有成塊面咁大的鮮魷魚，全部只限場內有售！
文：張一豪
攝影：楊錦文、林栢鈞
Model：Ben、Vivien、Ivan@puremodels
新奇甜撻首創鹹撻
美食廣場內，最多花臣必定是蛋撻王莫屬，除原有的酥皮鮮奶撻、雙皮奶蛋撻及葡式蛋撻外，還首度推出四款創意鹹、甜蛋撻，若受歡迎的話，將會陸續推出市場。
榴槤撻以馬來西亞「D24」上等樹上熟榴槤肉製成餡漿，配合384層鬆脆酥皮，榴槤味香濃，遠遠已嗅到榴槤香。另外，還有混入鮮薑汁及燕窩的薑汁燕窩蛋撻，入口即溶，口感滑膩。ModelVivien不吃榴槤，怕怕，但驅寒養顏的薑汁燕窩撻就愛不釋口，掃貨！
鹹蛋撻是第一次見，將新鮮豬肉或雞柳打碎，伴入香濃惹味的沙茶醬，製成沙茶豬肉撻及沙茶雞柳撻，肉味跟略帶鹹香的牛油餅皮可謂妙配，入口微辣，有濃郁香味，令人回味無窮。
陳酢酸辣蜂巢豆腐
豆腐雪成冰後以熱水解凍，令豆腐纖維及水份分開，形成蜂巢狀。炸後浸在陳酢香辣汁上味，外皮鬆脆，內層滑溜。
大馬福建炒麵
用東南亞獨有質感較濃稠的醬油「晒油」，代替傳統老抽，豆味更醇厚，加入菜心、肉片、魷魚及豬油渣同炒，香口惹味。
原隻燒波板糖魷魚
蘸上自製的辣椒豉油，撒上亁葱及芫荽烤至微焦，香氣四溢，大小如男人手掌般大，份量十足又有口感。
蛋撻王
攤位6C33至37
鴻星美食有優惠
鴻星亦有不少特色美食，場內發售多款零食產品，包括最新推出的辛辣味脆脆銀魚及各式臘味等。此外，熟食系列有鮑魚、蟹粉小籠包、BB乳鴿、辣酒煮螺肉等，還有韓式泡菜Kimchee（售$15一盒），為食鬼絕對不容錯過。
鴻星
攤位6C20、21、27及28
食足三代舊糕點
工展會今年已是第42屆，不如與爺爺嫲嫲三代同堂一同逛工展會，以舊式糕點為主打的街知巷聞，相信能勾起爺爺嫲嫲的回憶，這些糕點味道跟以往一樣。除了傳統糕點，亦推出了新口味，好似年輕人愛吃的果凍、糯米糍等。
街知巷聞
攤位6C12