有機潮陷工展　種菜耍樂

去工展會，買麵買糧油雜貨買電器，年年都係咁，無新意，你唔悶我都悶。不過今年終於有新搞作──以「有機」為大主題，特別加設有機展館「工展有機樂活居」，除了有各種有機產品售賣外，仲可以玩有機烹飪、有機種植，甚至睇埋有機產品製作過程。驚細路悶咩，可以帶佢去兒童天地玩餐飽，咁咪各有各happy囉！

記者：葉雪芯　
攝影：伍慶泉、林栢鈞
Model：Ivan、Vivian、Josphe@puremodels

ZoneA
有機展館順應潮流

這個年尾的購物重頭戲終於來了！今日正式舉行一年一度的第四十二屆工展會。今屆工展會共設720多個攤位，比往年多，共分為10個區：「香港名牌廣場」、「食品‧飲料區」、「有機‧健康食品區」、「糧油‧麵食區」、「參茸海味‧湯料區」、「美容‧保健區」、「服飾‧精品區」、「生活‧家居區」、「書籍刊物‧兒童天地」及「美食廣場」。近年，潮流興講「有機」、環保、善用生態資源等，所以舉辦了四十一屆的工展會也追住個trend玩「有機」概念，在會場特別設計了一個「工展有機樂活居」的專題展館，展館不但售賣各種有機產品，還有產品展覽、即場示範有機烹飪及有機農田種植等，響應現時的「有機」生活態度！

■即場有有機種植示範，小朋友可嘗試親手種菜心，仲有專人講解㖭。

康莉有機桑葉茶罐裝$45

康莉有機桑葉茶包裝$138

康莉有機桑果汁$128

源生坊有機野生藍莓$240

源生坊有機產品
潤膚膏$105、洗頭水$70、牙膏$45

源生坊蒟蒻　$50兩包，原價$28/包

源生坊有機餅$26，
原價$36

源生坊　3B14　
康莉國際3A28

■今年新開設的有機展館，售賣各種有機產品，還有產品展覽等。

ZoneB
兒童天地

為免小朋友悶，今年工展特別設了一個色彩繽紛的兒童天地，正正在於椰樹區，適合3-12歲兒童玩耍，只需在一位家長陪同下，購買15元遊戲券就可以入內玩到夠。場內仲設有「悅」讀坊任看故事書、漫畫和其他益智兒童圖書；「筒」夢工作坊更可讓小朋友嘗試製作色彩萬變的萬花筒。此外，每位進入兒童天地的小朋友都可獲贈扭蛋玩具一件，及利用場內特製的大型萬花筒觀看整個工展會！