廖碧兒和MandyLieu等昨日在灣仔會展為「時尚珠寶潮流大匯演」行珠寶騷，廖碧兒示範價值500萬元鑽飾連頭冠，事後她頻呼心跳：「仲勁過我選華裔小姐呀，我頭先喺會場入面行，見到粒3卡幾方形鑽石，好鍾意，一問價，負責人都話我好眼光，原來要成千萬！」
常收小禮物
問廖碧兒可買得起？她笑着不答，但就謂沒收過男友鑽石，她說：「只有我Daddy送過，我畢業時，收過一粒鑽石係佢送，最近反而多咗好多小朋友送小禮物畀我，可能知我多咗好多狗仔。」問她若陳豪送鑽石可會高興？她說：「我收唔起呀。」陳豪是否一向闊佬？她想想後說：「佢好大方，好肯幫人，我睇報紙成日見到佢請工作人員食蛋糕，又慶功，我就兩樣都冇份。」記者即說可能陳豪想二人世界，廖碧兒則謂：「人哋得獎喎，應該佢請啦。」問她準備送甚麼聖誕禮物給陳豪，她說：「我唔係好了解佢㗎咋。」
採訪、攝影：RitaLeung