上期推介愛華頓下盤得手，我感覺到有股氣已重新湧現，就係《英超早飛王》重返長勝路嘅「氣」。紐卡素周中未賽和阿仙奴前，我已經諗定貼佢哋可以擊敗伯明翰，周六紐記呢個1.78倍主W，放心重槌出擊。
畢傑
1.星期六23紐卡素vs伯明翰
將帥不和、領隊艾拿廸斯被炒的新聞已成過去，周中紐卡素各隊員跑多兩步，攔截顯幹勁，終於令佢哋迫和阿仙奴1:1；就當有球中柱唔入欠運，但係亦都打生咗門將基雲。畢竟，喺球隊處於壓力情況底下，能夠喺榜首阿仙奴身上成功搶分，做過球員嘅讀者，一定知道嗰種信心大增嘅感覺。
迫和兵工廠信心爆棚
紐卡素今場照舊有奧雲、卡爾、戴安尼菲爾同拉美治等養傷，至於杜夫已傷癒，或能先坐後備席。前場嘅馬田斯同占士米拿繼續交出表現，後上嘅尼索比亞助攻同樣見威脅，雖知今仗對手是伯明翰而非阿仙奴，佢哋所受嘅壓迫力定較少；現時紐卡素只等待一個贏波機會，周六伯明翰有難了。
伯明翰上場係威係勢，新帥麥利殊上任首戰即作客以3:2擊敗熱刺，但畢傑認為呢位領隊嘅「蜜月期」將會終止。首先，我為呢3個入球作出分析：最後一球施巴斯坦拿臣嘅「世界波」拉射無疑靚爆，亦是伯明翰唯一具說服力嘅入球，惟要留意「神來之筆」呢家嘢可遇不可求，我偏唔信伯軍可連續兩場入「世界波」。
伯軍「符碌」可遇不可求
至於第一球只係麥舒菲爾嘅12碼，第二球更可用「符碌」嚟形容，因為謝路美入波前雖然連過幾關，但只係當熱刺幾名守將攔截時，咁啱個波撞吓撞吓跌番佢面前先有射門機會。更何況，熱刺今季防線差，才會造就伯明翰有3個入球。
伯明翰現只餘借將中場奧賓拿，以及中場戴文莊臣兩名傷兵，不過要連續兩場作客搶得分數談何容易。紐卡素經過硬撼阿仙奴後，信心及對抗性料大大增強，1.78倍W水位更甚似開得出，快買早飛。
2.星期六12阿士東維拉vs樸茨茅夫
樸茅訪維拉可保不敗
和波味大
阿士東維拉上場被阿仙奴終止4連勝走勢，樸茨茅夫有望趁機搶分。維拉最近新添柏杜夫一員傷兵，據悉更要休戰至少兩周，缺少這名中場的創造力，攻力下降是事實。樸茅可強陣到訪維拉公園，至少不敗離場。
3.星期六20車路士vs新特蘭
車仔「主勝」冇困「蘭」
「主勝」穩開
車仔近期失球數字偏低，以新特蘭攻力不足以構成威脅；主隊續有馬隆達及卡維奴等養傷，而杜奧巴因傷將要缺陣4周，可幸施治及保羅費拉拿有望復出。新特蘭前鋒堅韋尼鍾斯可披甲，仍不足為懼，「主勝」可續追。
4.星期六21愛華頓vs富咸
愛華頓主場劫「富」
小勝開「和」
愛華頓周中歐協盃遣強陣迎辛尼特，雖有阿廸達射失12碼，仍憑卡希爾的入球小勝，要留意對手更大部份時間少打1人，實際愛軍付出體力應不大，而左閘巴尼斯應可復出。富咸一向作客差，更缺麥比廸及伊恩皮雅斯等人。
5.星期六22曼聯vs打比郡
曼聯刀仔插「大」「比」
「主勝」可期
曼聯有基斯坦奴朗拿度狀態極勇，加上朗尼已可重拍泰維斯攻堅，故就算續缺史高斯、朴智星及施維斯達等人，仍力足大破全英超守力最差的打比郡。客軍只餘守將安廸杜特養傷，但雙方實力相距甚遠，有誰夠膽扒冷？
6.星期六49雷丁vs利物浦
雷丁今周最佳冷盤
冷吼「主勝」
雷丁近期傳出主力相繼變賣套現，縱有不利消息，但我仍覺可做出冷門賽果。雷丁主場一向硬淨，紅軍賠率太熱值博率一般。利物浦續缺加歷查、丹尼爾艾格及沙比阿朗素，下周更有歐聯作客馬賽後顧，雷丁屬今周最佳冷品。
7.星期日9米杜士堡vs阿仙奴
阿仙奴半力照食「米」
無懼「客勝」
米杜士堡上場主場都可負維拉0:3，今周對火力最強的阿仙奴點頂？米堡續缺兩門將舒華沙及巴利鍾斯，美度又要養傷。客軍續有法米尼、希比、法比加斯及尹佩斯缺陣，前線有以9球領先射手榜的艾廸巴約壓陣，無懼取「客勝」。
8.星期日19保頓vs韋根
韋根求「神」保佑博冷W
韋根反底
保頓周中剛出戰歐協盃，還要作客塞爾維亞的貝爾格萊德紅星，體力較遜是可預期的；至於射手安歷卡腳風一般，奧拜恩、希古臣及華斯廸將缺陣，難靠。12場聯賽不勝的韋根有米茲洛要停賽，施比斯基則上陣成疑，博冷W。
9.星期日20熱刺vs曼城
熱刺殘陣難贏曼城
「客勝」穩陣
熱刺有隊長羅比堅尼停賽，京治、加里夫巴利、加特拿及列卡度洛查等守將續缺陣，而有傳中堅卡保奧或會外借，今役未知會否上陣。曼城有中場靈魂艾蘭奴因傷避戰，但伊美梅賓沙、米高莊遜、奧奴夏及華素爾全部歸隊。
10.星期日22布力般流浪vs韋斯咸
布力般主W有數「韋」
主W算數
布力般流浪剛止跌大破紐卡素3:1，今周可「夫添」迎戰韋斯咸，包括麥卡菲、賓尼及摩頓柏達臣等主力俱可披甲。韋斯咸傷兵問題仍未紓緩，比拿美、戴亞及森莫亞等續缺陣，而後者將以500萬鎊掛牌，但中場柏加可傷癒復出。
周末早飛超級重心
-英超-
星期六23紐卡素vs伯明翰
主客和：紐卡素勝
星期日9米杜士堡vs阿仙奴
讓球主客和：阿仙奴勝[-1]
星期日19保頓vs韋根
主客和：韋根勝
星期日20熱刺vs曼城
讓球主客和：曼城勝[+1]