藍鑽石老婆早排同囡囡報讀好多幼兒班，面試後，開心係有好幾間取錄，矛盾係間間承惠660蚊留位費，而只畀人兩、三日時間註冊，根本未諗掂就焗住磅水，條數好襟計……，假如早幾年避過生仔潮嘅話，邊使咁傷神，近一兩年為人父母者，有冇同感？
前晚做完〈拉闊足球場〉節目後好攰，返歸後三扒兩撥食完老麥、𠱁囡囡瞓後自己即撻落床，一彈起驚覺安德列治對熱刺剩番幾分鐘就完，發功打氣下力保1:1完場，不過熱刺係衰波，得手後唔敢重槌，都係博今晚曼聯大炒打比郡穩陣。
讓球主客和：曼聯勝[-2]
心得：曼聯贏到3球嘅
近5場往績：輸輸贏輸走
藍鑽石
忙於為與簡拿華路同日生的囡囡換片、掃風，但睇意甲，一場都不能少。