華度成日笑我花錢睇港產片，講真我唔算濫睇，有誠意、劇情先入場，周四趁放假就去睇《神探》；呢套戲唔算大卡士，應屆影帝恰如其分，最難得戲軌偏鋒，反思人性善惡；總好過睇「朱朱俠」、「變形猩猩」呢啲內容空洞，只顧特技同音響嘅「打機」式電影。
我冇男主角睇到別人「心中有鬼」嘅能力，不過照吓鏡都知自己「黑鬼」纏身，搞到淪為燈神，誠意推介阿爾克馬爾下盤，眼光光睇住八十三分鐘贏得半個，兩分鐘後仲輸晒成個。身為阿仙奴擁躉，我黑自然捧米堡周日主場對阿仙奴保不敗，哈！哈！唔好話我情感對冲住，翻查往績，米堡近幾年總可以主場殺敗一支強隊，大前季贏利物浦，前季大數曼聯四比一，上季亦贏車路士，今季仲唔輪到阿仙奴？
讓球主客和：米杜士堡勝[+1]
心得：米堡年年殺一支強隊
近5場往績：贏輸輸贏贏
牽牛
施丹退休，頓感失落，期待阿仙奴的法比加斯他朝有此神乎奇技。