周中重注兩支英冠前列隊屈福特及布里斯托城中到應,加埋同日查爾頓亦反底,證明追捧這類今季升班嘅熱門分子需要有耐性,免墮入「爛路」圈套。
普利「讓球」盤路曳
周六重心推介,依然係英冠異軍,近期勇態復起嘅布里斯托城,早前喺blog講過,呢隊今季先從英甲升班嘅球隊,踢來有板有眼,不像一般英國球隊,高Q大棍將球踢上前;結果𠵱家喺聯賽排第4,話有望來季升上英超,喺半年前已屬天方夜譚。計盤路,撇開該隊早前曾3連敗外,其實戰績及盤路可用驚人來形容,目前仍處上升軌道,軍容整齊,上仗半場已領先葉士域治兩球,耗力不多,今次難得對主場有實力嘅普利茅夫受讓,不是「爛路」球隊,只希望被我揀中不會輸波罷了。
對手普利茅夫這支南部軍靠地利排第7,但整體實力屬一般,今季主場在「讓球」盤計4戰1勝3負,早前看過電視直播見他們臨尾香,大好形勢下完場前被卡廸夫城連追兩球輸盤,該隊高Q大腳法剋制不住布軍,加上前鋒希利斯停賽,及曼聯借將李馬田長唞,今場讓唔起。
冷敲屈仔「客其他」
其實周日一條熱門3串1亦甚有信心,阿爾克馬爾返主場兼有射手阿里復出,穩勝;阿仙奴連續第3場作客,但對手屬級數最差嘅米堡,客W穩陣,進取者可博「客勝」;至於屈福特,個人認為直接升上英超機會極大,攻力又強,可博與主場史篤城鬥攻,125倍「客其他」波膽,買10蚊又何妨?另一場博大霧係荷甲異軍,廸加史卓普作客荷華高斯,一樣撐「客其他」波膽。
近5場往績:輸輸輸贏輸
蘋果波神
股市大旺,英超盛世,大家齊來贏多啲!