范姜與友人合資開的BB名牌二手衫店Mummay，昨日在銅鑼灣開幕，好友徐濠縈、周麗淇及Marianne齊齊出席支持，女兒嘉晴及鍾懿都有前來，鍾懿更化身可愛小花女剪綵。范姜說：「囡囡一個月時已經有呢個概念，太多人送衫，有時仲會重複同埋太名貴，自己唔捨得買，幾千蚊一條裙可能都係着得一，兩次，啲衫越堆越多，堆到B哥嘅Studio，遲啲可以搞埋BB有機護膚用品。」
生百個都着唔晒
記者笑言范姜生多幾個會夠着BB衫，她說：「生多100個都着唔晒，加上生完好難減肥。」問她預計何時回本，她笑說：「自己投資6位數字，B哥有支持我，再加埋幾個股東，最緊要唔好蝕，賺少少。」問到B哥出自傳數章小蕙，她說：「今日有其他股東，留番真係出書先講。」
採訪、攝影：DebbieLum