拉闊足球場<br>「波壇陸東」:長揸利記 - 藍鑽石

拉闊足球場
「波壇陸東」:長揸利記 - 藍鑽石

藍鑽石今集提供

星期六49雷丁0:1利物浦(5.5倍)

星期日9米杜士堡1:3阿仙奴(10.5倍)

星期日20熱刺2:1曼城(7倍)

近日繼續全民皆股熱潮,當大家都在討論股市何時再見3萬點,今集讀者阿Koo,就以股票妙喻英超列強,呢個「波壇陸東」叫大家記住追捧利物浦,「因為佢哋係大藍籌,十足十球壇中國人壽(2628)。」
K:阿Koo M:Mike 藍:藍鑽石

M:呢位讀者好似將波,同我哋成日炒嘅一樣嘢拉上關係喎。
藍:唔係炒菜呀!
M:唔知喇,不如聽吓阿Koo講啦。
K:係呀,買波就好似買股票咁,最緊要就係揀到好股,我最鍾意就係利物浦啦!頭先位讀者唔知點解鍾意隻仙股雷丁,呢隊波前面唔掂,後面又唔掂,根本冇實力,點會買佢和波!
M:你講到利物浦咁好,你認為佢哋係咩股?會唔會係中國人壽(2628)?
K:都係㗎,利記就好似大陸股,適宜長揸;可能間唔中有宏觀調控,有時未必咁順,但整體會越嚟越好。
藍:咁阿仙奴唔使講一定係藍籌啦!
K:大藍籌啦,喺雲格管治之下成隊表現好好,我覺得佢哋潛力十足,而且對手米堡好似電訊盈科(008)咁,只係會累人。
M:8號仔……,熱刺fans唔好鬧我,我覺得熱刺先係8號仔;話晒米堡見底,你唔會追,我周中在追熱刺,結果又輸畀伯明翰,咁先累人呀!
K:熱刺又冇咁差,間唔中都會起返,我覺得佢似公用股,對勁旅有時都踢得好,反而對弱旅就差啲。
M:不過我都唔敢踩你,因為馬會都撐你,今次熱刺對曼城,馬會居然開「讓球主客和」,睇兩隊排名差咁遠,熱刺何德何能開「讓球主客和」先,開呢個盤一定有玄機。
藍:驚唔驚係鬼盤呀?
K:曼城我覺得係新股……
M:會唔會係阿里巴巴(1688)呀?
K:阿里巴巴(1688)仲喺水面,我覺得遲啲會跌落水底㖭。而車路士就係我心目中嘅銀行股,所以我就貼佢贏4:2。

正牌陸東:有冇我咁準呀?
設計對白

阿Koo貼士

星期六49雷丁0:1利物浦(5.5倍)

星期日9米杜士堡0:2阿仙奴(7倍)

星期日20熱刺2:1曼城(7倍)

讀者阿Koo

捧紅軍激嬲老婆

這位利物浦fans今次與「死敵」藍鑽石意見相近,兩人都認為利物浦和熱刺可順利贏波,不過都是一球上落。
Ringo補充,今場利記的對手雖然只是雷丁,不過下周始終要在歐聯生死戰對馬賽,相比之下,今仗的重要性自然較低,預計利記頂多小勝,甚至和波亦不出奇。
這位紅軍fans大爆睇波趣事,原來他太太支持阿仙奴,10月尾時兩軍對碰,當時利記先開紀錄,Ringo即手舞足蹈,怎知激嬲老婆大人,更被喝令再慶祝就冇得瞓!Ringo即時停手,好彩最後兩隊打成1:1,先有覺好瞓!

Ringo

Ringo貼士

星期六49雷丁0:1利物浦(5.5倍)

星期日9米杜士堡1:2阿仙奴(7.5倍)

星期日20熱刺2:1曼城(7倍)

阿仙奴2:0、3:0要追

上集中咗2串3波膽嘅Marco,今次一上嚟就大show派彩達500蚊嘅波飛;又有波講又有錢贏,認真開心。
Marco話,愛隊阿仙奴係「鐵膽」,不妨長追其2:0、3:0波膽。今個禮拜對住不堪一擊嘅米杜士堡,Marco就估可以輕鬆贏波,2:0啱啱好。
Marco更加大派葡超心得,佢話葡超前列球隊慢熱,上半場經常開和,成日都踏入下半場先嚟發力;要賭的話,大可博吓「和主」、「和客」,夠晒好分。
今次Marco畀咗個獨家心水,就係賓菲加贏尾二嘅「科大」2:0,有6倍;玩「半全場」之餘,大可玩埋波膽。

Marco

Marco貼士

星期六49雷丁1:3利物浦(13倍)

星期日9米杜士堡0:2阿仙奴(7倍)

星期日20熱刺1:2曼城(11倍)

講波有得Fun

只要透過WebCam參加《拉闊足球場》.即可贏取$100家庭禮品包及《英超星光15載》紀念冊一本。

下次舉行日期:13/12
想參加?即上
http://soccer.atnext.com/jp/soccer