創作歌手Kellyjackie日前拍攝新歌MV，她表示會以歌神許冠傑為目標，前輩為了令香港人開心，特別舉行演唱會祝福700多萬人，Kellyjackie有感天水圍太多慘劇發生，也打算作歌鼓勵居民，大派正能量種子。
創作歌手Kellyjackie初出道時，憑網絡歌曲《他約我去廸士尼》讓大家認識，因為最愛陳慧琳和張學友，故將兩位偶像的英文名合併，成為自己的名字。但估不到Kellyjackie的神態也越來越似初出道的陳慧琳，日前她在美孚拍攝《北極村的回信》MV，梳了一頭中間分界長髮，笑容有幾分陳慧琳的影子。
聖誕老人賜良緣
外貌似偶像，志氣卻似足許冠傑，Kellyjackie的新歌《北極村的回信》也很勵志，她說：「呢首歌係講一個女仔喺聖誕節收到聖誕老人一份禮物，就係一份真摯嘅愛情。其實愛情可以有好多種，可以愛屋企人、朋友或者情侶嘅。同埋我好想寫多啲帶有正面訊息嘅歌，以前我聽好多許冠傑嘅歌，好想好似佢咁，鼓勵吓香港人。
「𠵱家我最想作首歌畀天水圍嘅中學生，呢排天水圍好多慘劇，加上有好多升中學嘅學生會面對壓力。科技發達，班學生好易接觸到音樂，畀粒正能量嘅種子佢哋。」這麼有愛心的一個女孩，難怪前輩葉世榮對她照顧有加，拍攝MV當晚，特別買糖水探班。
盼姊弟檔闖樂壇
另外，這首歌由Kellyjackie的弟弟作曲，她希望將來若弟弟願意加入娛樂圈，與他組成「夢幻組合」創作歌曲，她說：「最初我喺商場唱騷，細佬試過同我一齊表演㗎，佢平時有彈結他，又同朋友夾band，所以都有啲音樂底。我好想組姊弟檔作歌，但係佢𠵱家仲要讀書，同埋要睇佢想唔想入行。」
採訪、攝影：王連連
