鄭秀文（Sammi）前日為劉德華簽約東亞記者會撐場後，晚上在太古舉行「景福Showmi鄭秀文2007演唱會」Blu-ray高清試映會，招待200名歌迷，老闆林建岳也有現身。獲頒雙白金的Sammi，心情甚佳，她說：「覺得唔只外在有一種成功，仲有內在嘅成功，成個人有改變同進步，我好慶幸決定舉行呢個個唱。」
Sammi坦言比以前更開心快活，她說：「我不嬲開心嘅，不過以前做嘢壓力大，唔識紓緩。」Sammi將與陳奕迅合作拍攝電影《查之女》，對此她說：「有啲緊張，兩年冇拍戲，不過我三年冇開個唱都鼓足勇氣做啦，拍戲應該OK，個角色係個怕自己嫁唔出嘅差婆。」那麼現實中會否怕嫁唔出？她說：「我都驚驚哋㗎，但有上帝嘅帶領同安排。你哋問我，我咪話係囉。」
採訪：駱華齡
攝影：陳偉權