畢傑有唔少朋友，但稱得上為兄弟嘅一隻手都數得晒，識咗15年嘅雞爺肯定有份。佢噚日生日，我知佢屋企近排有事，喺度只能講句：「人生必經階段」。世伯你放心，你真係有個好出色嘅仔，我做到佢兄弟好高興。
上周六踢波踢到腳軟，晨早8點起身幫蘋果隊2:0砌低港台隊，晏晝就幫Campione喺聯賽1:0贏StandStill。威記，我知你隊波全班都係我中學同學，但我唔會轉會㗎。今期貼士：紐卡素主場穩勝伯明翰。
p.s.肥仔帶學生遠行，我喺小天地等你返嚟。
主客和：紐卡素勝
心得：鬥完阿仙奴
近5場往績：贏輸贏輸輸
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。