周汶錡、Rosemary和熊黛林等前晚打扮性感出席內衣店開幕，周汶錡直言男士最愛看女性穿內衣，加上為了𠱁自己和穿出靚靚線條，所以她會豪花數千元買一套內衣。熊黛林則情迷神秘性感的黑色喱士內衣，相信郭富城大有眼福了。
周汶錡（Kathy）、熊黛林、Rosemary和譚玉梅等前晚在尖沙嘴為意大利內衣名牌LaPerla開幕酒會撐場。Kathy身穿黑色喱士連身裙，露出香肩，即時吸引fans用手機狂影。
Kathy表示捨得投資買內衣，她說：「我買過最貴一套係幾千蚊，呢啲好貼身，係女人都鍾意，又會着得線條靚，好值得投資。」那麼有否加pad？她說：「唔使太花巧，性感都係自然嘅好啲。」問Kathy其男友是否愛看她穿內衣？她說：「每個男仔都focus喺呢啲嘢上面，我𠵱家要揀啲出得睡房嘅，其實自己買最好，送就唔啱都冇得換。」她更謂會親手洗內衣，間中都會送睡衣給女性朋友。問她可會送給鄭希怡？Kathy即說：「我唔會答㗎，唔關我事！」
滿意Bcup身材
同場的熊黛林相對密實，她說：「我都覺得今日唔夠性感，不過你哋日日見我性感唔厭咩？」記者笑她日日見城城也不會厭，她即嬌嗔道：「你哋見佢仲多過我見。」問到內衣心水，熊黛林覺得性感內衣是必備的，她說：「我最鍾意黑色，仲有喱士，因為夠成熟，又性感神秘，多數係成套着。」問她可要加pad製造性感？她說：「睇需要啦，我𠵱家Bcup，都夠用。」城城有否送內衣給她？熊黛林說：「冇呀！」會否送內衣給城城做聖誕禮物？她說：「聖誕唔係送朱古力咩？」
採訪：羅慧敏、梁錦雯
攝影：陳順楨
