上周推介華倫西亞主場贏3:0，點知畢爾包反而爆大冷贏3:0，認真面目無光，請各位讀者大人原諒；其實個場波小弟睇到實，畢爾包並非表現突出，只係華倫太屎；我唔信畢爾包有兩嘴，周六博佢主場俾皇家馬德里大炒。
對皇馬冇好日子過
畢爾包上仗大勝，全因荷蘭教練朗奴高文入主華倫，搞到呢支過氣冠軍進退失據，並不反映畢爾包實力；以前畢爾包主場威力就聽得多，不過今季就唔多見，7場主場贏過1次咁大把；而且畢爾包近季對皇馬都冇好日子，上季兩鬥皇馬全輸，主場更輸足1:4。以皇馬上周聯賽大勝桑坦德3:1，食住個勢，加上周中冇波打，魯爾同雲佬唞唞埋埋，再追多次4:1波膽。
阿積士反底攻客其他
再推介周日另一場西甲比賽，薩拉戈薩近期差到震，主場對愛斯賓奴，以愛軍面對巴塞都不落下風，作客有權贏埋，取西甲熱門波膽2:1。冷膽再向荷甲埋手，阿積士上仗不敵NAC，其實都幾欠運，以佢地超班攻力，反底唔係問題；周六作客威廉二世，主隊上仗大勝精英隊6:0，好似好巴閉，其實精英隊有幾多料大家清楚，幾大取阿積士勝客其他。
文：牽牛
貼士
波膽過關3串7
星期六52阿積士勝客其他（20倍）x
星期六65皇家馬德里勝4:1（31倍）x
星期日28愛斯賓奴勝2:1（10倍）
全中
7,391倍