07/12/2007.....
天晴
阿仙奴果然失分，中場缺希比擇駛，估唔到連法米尼也缺陣，即其實今次被紐卡素迫和一役，中場4人只得路斯基係常規正選，個人覺得今場唔輸也算不錯戰果，同事吾中好嘢，有膽色頭條貼中「主勝」加1:1，抵拒坐吓個一姐位。
我賽前話過今場最多將贏維拉嘅一半注碼投放，結果好友們都知道，我一毫子也沒有賭阿仙奴贏，愛隊輸盤冇我份，嚟緊作客對米堡，單W較作客紐記再熱啲，大家又可以追番條長莊路咯。拼博有度，難得相約中學同學打邊爐飲酒聚舊幾粒鐘，邊得閒同你日賭夜賭，哈哈，實情係早一天英冠已贏到我暫時不想賭波！
仙道彬話好尊重我對某一兩個聯賽嘅認識範疇同投注策略，有啲明讚暗踩喎，不過我想若能真正做到已了不起，起碼衣食無憂；每星期咁多聯賽開盤，好似禮拜六大場面，但天皇盃我不懂，德甲蘇超法甲我也不懂，但揸住英超英冠同荷甲，今個禮拜夠我多斬四両！
http://hk.myblog.yahoo.com/footballexperts/
蘋果波神
股市大旺，英超盛世，大家齊來贏多啲！