日產汽車香港總代理合誠汽車同《Car通》合作嘅有獎問答遊戲，今日進入Day2問題，若答啱晒連續5日嘅問題，就有機會免費到日本參觀NissanDesignCentre，當然你要事先細閱內文先識答喇。細細聲話你知，錯過咗噚日Day1嘅內容，大可Click入車網睇番。咩話？唔知《蘋果車網》喺邊？點幫你呀！
記者：梁美甜
超現實空間為創作
現今汽車工業競爭激烈，想要生存絕非單靠名氣就成事，喺日本札根嘅日產汽車就係其中一個成功例子，為配合市場需要同發展，廠方就喺日本、歐洲、北美、中國同台灣先後開設七個汽車設計室NissanDesignCentre，扭盡六壬創造新車。
日本神奈川縣嘅NissanDesignCentre又名NissanImaginationFactory，係一個擁有多個富時代感及空間感嘅巨型建築物群組，佔地42,000平方米嘅汽車設計室，叫得做ImaginationFactory，擺明重視旗下汽車設計及生產意念，投放大量科研資源，連同設計室以及R&D工程部門探索各種天馬行空嘅Idea，再經各種先進電腦設施、設計科研器材及可製作1:1比例嘅陶模汽車模型工作室進行創作。最搞鬼係位於低層名為InfoGallery嘅地方大到暈，但只放幾張DesignerChair同概念車，目的係俾設計師激發靈感咁話。
Day2問題：
全新NissanDesignCentre位於日本邊個縣之內呢？
參加辦法：
參加者只需解答由12月5日開始一連5天之問題，於本周日（12月9日）刊登之參加表格填入答案及個人資料，便有機會免費到日本參觀NissanDesignCentre（或同等價值之獎品），詳情請留意12月9日《Car通》之最後公布。