劉德華加盟新唱片公司，地位可見一斑，有鄭秀文（Sammi）加其父親手寫的書法到賀，老闆林建岳更揚言下半世要靠華仔養活他，華仔將自己當成幸福的新娘子，嫁得如意郎君，更將老公林建岳放在第一位。
劉德華加盟東亞唱片，昨日在中環舉行記者會，新碟也選在同日推出，華仔一出場就表示有嫁的感覺，台下的林建岳即大笑問：「咁我係男定女呀？」華仔回答：「我嫁嘛。」對於為何肯加盟，是否如報道般有億五酬勞？華仔謂：「我都想有（億五），不過差好遠，係公司畀到信心我，我想全心全意做個藝人，唔再鍾意做老闆。」問他是否將老公（林建岳）放第一位，華仔識趣說：「唔使講佢係No.1至上。」
鄭父書法相贈
東亞一姐鄭秀文知道華仔的加盟，特別到場祝賀，二人一見面即來個擁抱，之後Sammi送上其父親手寫的「腰呀冧吧溫！」意指YouareNo.1大字給華仔，Sammi謂：「好開心歡喜華仔加盟，真係生色不少，期待同你快啲合作，因為我唔識寫書法，所以叫我爸爸代勞，佢中風前好鍾意寫書法，之後右手唔係幾方便，之後就練左手寫喇。」
華仔大讚Sammi爸爸了得，還笑說：「真係好想見你爸爸，多謝佢。」Sammi回應說：「好呀，你娶我咪有得見家長囉。」二人不停在台上說笑，老闆林建岳也不忘幽默一番，他說：「其實劉德華有錢過我，佢唔認之嘛，今次唔係我買起佢公司，係佢買起我公司就真，我下半世靠佢喇。」林建岳被問到旗下的東亞衛視結束經營，他說：「如果我識做電視台，當年就唔使賣亞視啦！」
全售歌曲版權
華仔表示今次與東亞簽了三年歌手合約，他說：「我將由92年起到𠵱家我擁有嘅歌曲版權賣晒畀東亞，東亞會幫我做宣傳同發行，不過製作都係我自己做番。」經理人約和電影版權仍屬華仔，他續說：「價錢係唔講得，我只係簽咗唱片約，經理人合約仍然係我自己。」
採訪：胡比 攝影：陳志嵐
