莫文蔚昨日在新城電台接受訪問，擁有一對修長美腿的她更獲DJ們送上自製絲襪花，莫文蔚更應DJ們要求拆開其中一雙豹紋絲襪，場面香艷。
莫文蔚表示會擔任今屆金馬獎的表演嘉賓，她說：「我會同古巨基合唱一啲經典嘅電影金曲，其中最難唱嘅係一首台語歌《桂花巷》，因為本身唔識講台語，背歌詞要用多好多時間。」
男友多計劃
莫文蔚又表示看好李安執導的《色，戒》會獲獎，被問到可會要求男友馮德倫開戲給她拍？她說：「都好呀！不過我自己一路都想開拍一部運動題材嘅戲，係改編自一個長跑選手嘅真人真事，而佢（馮德倫）已經有好多計劃，所以短期內應該唔會合作到。」
採訪、攝影：卓美娟