愛華頓前鋒安尼捷比唔嫁又嫁，終於肯代表祖國尼日利亞出戰下月嘅非洲國家盃。安尼捷比1歲仔經已跟屋企人移居英格蘭，之前佢死都話要等英軍徵召，背叛祖國都制；𠵱家佢可能見英格蘭嗰邊冇聲冇氣，終肯「屈服」重投尼日利亞懷抱。安尼捷比話尼日利亞人梗係要代表番尼日利亞喎，果然係世界仔！