高雲地利話晒打過英超，降落英冠咁耐仲係咁潦倒，我求大俠見到都心酸。聽講佢哋𠵱家負債高達3,800萬鎊（約6.1億港元），如果10日內仲未傾掂有大財團收購，有可能被接管兼被英冠聯賽會扣走10分咁多。高雲地利現時有25分排英冠14位，假如真係被罰，到時將與普雷斯頓及諾域治同分齊齊排榜尾，你都咪話唔頭痕！