上次車仔冇派私人飛機接送，法國翼鋒馬隆達好似懷恨在心，日前又轟球會唔控制球員飲食，有損身心健康。佢話隊友經常視汽水、快餐等垃圾食物如家常便飯，仲讚自己經驗老到，先至冇隨波逐流；兼且彈埋倫敦交通唔方便，煩死人！我求大俠聽聞呢位法國國腳，𠵱家正睇戲學英文喎，呢番話唔知係咪學以致用呢？