只要肯堅持，無可能都會變成有可能。ILoveYouBoyz（艾粒）正接受特訓，揚言於本月底的表演中化身舞台王者郭富城，不過少爺占說：「如果我出醜跳唔到，佢哋實會笑得好開心，叫做成功呀。」
組合ILoveYouBoyz（艾粒）原定於21至25日舉行5場「ILoveYouBoyzGaGameShow鬆啲！衣池瀨」，由於門票爆滿，二人決定加開一場日場。為了答謝fans的支持，Donald及少爺占決定於演出中表演一場勁歌熱舞，他們更找來有魔鬼教練之稱的EO2Otto排舞。
每日練5小時
阿占表示現時每天完成電台工作後，就要到排舞室練習至少5小時，加上Otto的要求很高，故令他們有點吃不消，他說：「Otto一開始就話要將我同Donald變成郭富城，我聽到第一個反應係冒汗，同埋跳舞一向係我嘅弱項，永遠係慢半拍。」當日所見阿占的步伐確實比其他人慢，反而Donald就跳得比較好。Donald笑言Otto是一位「黐線魔鬼教練」，他說：「我哋兩個本身就唔識跳舞，佢排到啲舞步好難，佢真係好嚴㗎，仲成日話要我哋表演時跳到好似城城咁勁。」
Donald又表示跳舞最難的不是記舞步，反而面部表情要好看，他說：「我跳嘅時候就掛住諗下一個step，根本就顧唔到個樣係點，我都知有時跳到個樣好衰。」不過阿占指演出時假若真的做不到Otto的要求，他只好亂跳，他解釋：「觀眾入嚟睇我哋都係想笑吓，如果我出醜跳唔到佢哋實會笑得好開心，咁我都叫做成功呀。」
採訪、攝影：李珮洳