趙世曾與內地女友Wendy拍拖五年，感情穩定，他也叫外間稱Wendy為趙太，又謂會分身家給她，但近期又發現他有新歡妙英入住趙苑。趙世曾女兒趙式芝前晚出席活動時，謂自小見慣父親有不同女友，習以為常，並揚言跟妙英吃過飯，其母姚煒則明寸趙世曾為女兒擇偶的「反面教材」。
法國品牌Leonard前晚在中環舉行VIP聖誕晚宴，廖碧兒、蘇玉華、趙式芝和姚煒等穿上2008春夏新裝示人。趙式芝穿上大領花裙，胸口露出其粉紅色的疤痕，她說：「係呀，係有次同Poman（羅寶文）去游水，玩得太興奮整傷，好耐喇。其實我已經睇過皮膚科醫生，但話條疤係去唔到。我諗住紋一隻蝴蝶上去，遮住佢。」
「Enjoy就得啦」
問為何揀蝴蝶？趙式芝說：「蝴蝶代表蛻變，代表脫胎換骨，其實我都唔係話十分介意個疤，因為每個疤都代表人生一個故事、每段教訓。」問她家人如父親趙世曾可會反對？她說：「冇問喎，佢知都會心痛，不過佢一向都唔注意我。」
趙世曾與內地女友Wendy拍拖五年，最近他的二十多歲、同樣來自內地的新歡妙英被拍攝到入住趙苑，趙式芝揚言已見過面，她說：「仲一齊食過飯㖭，爹哋開心，enjoy生活就得啦，我由細到大都見慣，唔出奇。」
14歲已催婚
至於趙式芝的母親、當年不滿趙世曾風流而離開的姚煒，同樣淡然說：「佢冇新歡先係新聞啦，我有睇報道，不過同佢冇見面㗎喇，佢嘅生活方式咁多年都冇變。」當年離開是明智決定？姚煒想一想說：「點講呢，總之呢個係佢理想嘅生活方式。」她謂自己沒情人，樂得清閒，又指由趙式芝14歲已開始催婚，但也督促女兒要小心擇偶，她說：「佢老竇就係人辦啦，畀佢睇到晒，係反面教材！」
採訪：顏英儀
攝影：葉君海
