唔想再提那句「有黑暗嘅地方就有光明……」，鬼叫今期天威勇士超合金魂最紅，呢句開場白網上到處可見。小記在80年代尾開始追睇卡通，87年TVB播放的《天威勇士》更係集集追，估唔到咁就過了20年。
年長的都話《天威勇士》源自80年代頭的《戰士高狄安》，合體模式同樣係主角走入一個機械人內，再由中型Size機械人走入大型Size機械人；天威勇士就是由阿龍、劍龍和無敵鐵甲人組成，比起高狄安少了一台機械人。其實可以想像到要重現成玩具，難度相當高，3合1後關節的活動更成問題。可喜是新品中，睇得出Bandai下過苦功，新採用「魚骨脊椎」。雖然合體後腳的活動關節幅度不大，但玩家們完全接受，因為合體過程和肌肉感的機械人外表，已令人佩服得無話可說。
2.硬係覺得阿龍樣貌似85年《超獸機神》主角藤原忍。
3.瑞記提示天威勇士記得買「香港雷射貼行貨」，因為有皮篋做贈品外，件玩具發現有問題，憑單據可以更換。
4.天威勇士最唔靚的地方係背部肩位，但靠晒佢支撐雙臂冇計。
5.這種3合1方式，超合金玩具中相當少見。
6.超合金魂內還有莉娜和劍塚。
7.玩具中，排中間的劍龍係精髓所在，合金成份多之外，活動能力亦奇高。
售賣點︰各大玩具店
查詢︰瑞華行（24331828）
