06/12/2007.....
天晴
今周中對小弟嚟講，差不多等如「西線無戰事」；歐聯D組戰意欠明朗，歐協盃嚟到分組賽尾聲，又擔心球隊玩走線，所以唔打算出手。有一排冇賭英冠，好彩得到蘋果波神指點，串咗查爾頓同屈福特讓球盤，同小弟個人心水李斯特城「客勝」，中番條3串1，有子彈周六日正規聯賽搏殺。
賽前查爾頓同屈福特都連敗，近況差換來莊家看淡，查爾頓作客冇科拿嘅卡廸夫城，只開出平手盤；屈福特作客高車士打亦僅讓平/半。講真以查爾頓同屈福特人腳，好似查仔有鄭智、岩布斯等名將，屈仔亦有馬龍京治、普斯堅等有料前鋒，除非大跌watt，否則好大機會升班。港產賭片有名句：「場場賭，老竇係李嘉誠都死」；所以賭聯賽強隊首先要心水清，有耐性，好似查仔同屈仔輸得幾次盤，以強隊一般有6成贏盤率，博反底好時機。
德甲班霸拜仁慕尼黑，連埋盃賽已經輸6口盤，難得周中冇歐協盃，養精蓄銳周六主場對杜伊斯堡，博反底好時機也！
http://hk.myblog.yahoo.com/footballexperts/
牽牛
股市大旺，英超盛世，大家齊來贏多啲！