歐陽妙芝上月誕下第二個兒子，她早前在時代廣場擺小型滿月酒，與家人及親友慶祝。妙芝透露兒子由爺爺改名為方玉亨，她接受電話訪問說：「BB英文名叫做Atilla，係佢老竇嘅契老竇改，個名來自匈奴王阿堤拉（AtillatheHun），我哋好鍾意，因為阿仔叫亨，同Hun同音，英文又同全家一樣A字頭。」
大仔變呷醋王
妙芝續說：「因為匈奴王當年橫掃歐洲，本來我哋都怕歐洲人唔鍾意，但問過啲外國朋友都OK，希望佢可以強壯啲、堅強啲。Atilla已經有大王脾氣，一尿濕就要換片，唔係就大發𤷪𤺧。」豈非要全力照顧？她說：「我冇乜時間睇佢，因為哥哥好呷醋，頭兩個星期扭計扭得好緊要，好似變番BB咁，𠵱家我叫佢幫手拎尿片、水樽，培養佢對細佬嘅感情。」
採訪：DebbieLum