杜琪峯執導、任達華與林家棟主演的《文雀》，該片四年前開始拍攝，至今尚未拍完，昨日在銅鑼灣進行補戲，華仔踩着單車載住三個男人在鬧市飛馳，不過因單車承受不起四個人重量，後車轆都壓壞了。
杜琪峯與韋家輝聯合導演的《神探》上映了五日截至前日約收440萬，成績很理想，兩位導演再度攜手有此成績，當然感到開心，所以昨日阿杜在銅鑼灣開平道為《文雀》補戲時，他的心情靚絕，全程沒有罵過任何工作人員。
小偷拍檔齊齊閃
昨日參與補戲的演員有任達華與林家棟，他倆在戲中是飾演小偷拍檔，兩人經常在鬧市偷取途人銀包，昨日拍攝的劇情主要是講述華仔得手後，踩單車載住家棟及兩位友人一起離開，但一部單車怎抵得住四個猛男的重量，結果單車後轆都壓壞。
華仔表示：「我載住家棟坐車頭，車尾又坐兩個，我哋四個男人咁重，踩一陣架單車已經頂唔順。」其後工作人員要找來手推車及墊上木箱繼續拍攝，現場更見到有不少途人圍觀，更有途人找華仔合照。
落雨戲拍半個月
這部片拍攝了四年，記者問華仔感覺如何？他說：「阿杜每隔一段時間就會炮製一啲拍攝經年嘅作品，我個人冇所謂，因為我信佢，又有時間，可以畀佢慢慢拍，好似早排阿杜要我拍一個落雨撐傘過馬路鏡頭，足足拍咗半個月，但我都冇問題，最緊要佢老人家肯收貨，阿杜係一個要求好高嘅導演，同佢合作係可以學到好多嘢，所以我係好鍾意同佢合作，因現場成組人開工嘅氣氛都好好，大家好似一家人咁。」
採訪：娛樂突發組
