阿仙奴球員離隊加盟西甲球隊時，一定要三思而後行，因為阿仙奴嘅「西甲魔咒」真係好厲害㗎！好似皮利斯、伊度同埋施根咁，離開兵工廠轉會西甲球會之後，都一定會因傷唞唞，其中皮利斯同伊度更加係重創，唞咗好耐。而喺今季由阿仙奴加盟巴塞隆拿嘅法國球星亨利亦難逃魔咒，最近就因為背部受傷，需休息至少兩周。