荷蘭中場施多夫原來好有生意頭腦，佢對於職業球員，要面對球場內及場外，例如傳媒及個人福利等各種煩惱感同身受，於是年前就籌辦公司，為職業球員提供解決晒以上問題嘅一條龍式服務，自己仲做埋公司嘅首個客仔。睇佢呢年嚟表現穩定，又幫自己同效力球會AC米蘭爭取到一紙至2011年約滿嘅新約，呢個生招牌係好嘢喎。