5/12/07.....
天晴
最新動態
今夜英超意甲足協盃都有直播，兩個收費台打成2:2，捧開場嘅波友都知道我心中選擇，何況遲啲，我同好友M都只可以專心一致狂煲英超歐聯咯。
曼聯讓得咁狠，照贏兩粒，可惜C朗早被標籤為插水王，否則單刀入埋中三元，好多莊家都要走佬；呢位後生仔踢法越嚟越成熟，佳節臨近，咪同錢鬥氣，無論你喜歡曼聯與否，有C朗必長捧曼聯，冇佢咪輸畀保頓咯！
另一隊長捧常贏，就係阿仙奴，不過同波友玩吓死數，上次作客維拉，因為對手錄得4連勝佳績，加上前者剛負西維爾，所以馬會開錯讓平/半盤，結果注碼一面倒側向阿仙奴，好多人收穫甚豐；今次莊家不敢怠慢，對爛船有三斤釘嘅紐記開出「讓球主客和」，客W亦只得1.57倍，好辣喎，賭錢不應講感情，大家留意，阿仙奴今屆嘅財星係有傷嘅希比，佢拍「德甲同胞」路斯基，可以踢到曉飛，今次賠率唔好分，加上希比應該缺陣，注碼頂多係押贏維拉嘅一半好咯。
蘋果波神
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報