04/12/07....
天晴
最新動態
賭博有時係一場心理戰，為咗排除太多主觀願望，我下重心一注前，多要睇過該隊近況再結合賠率，所以好似今晚英甲10場，一定冇我份；但係一啲名牌長賭長輸，我亦開始克服到心魔，慢慢減注，甚至視而不見，因為越追越輸，就會越買越大，存在怨恨亦覺氣餒。
4大聯賽近期嘅名牌衰波包括熱刺、拜仁、華倫及AC，包括我在內，好多波友都喺佢哋身上輸唔少錢，而且佢哋往往極為「擔飛」，計亞洲盤通常讓得好辣，好似熱刺咁，護級大戰對伯明翰得1.4倍W，次次輸親都下半場擺大頭狂攻。嘩！場場變陣打3-4-3陣式，只攻不守，但一早講過，用索高拿、侯度史東打中場唔掂！另一支超級名牌AC米蘭，今季7次主場未開齋；對祖記開1.9倍W，你睇盤以為莊家壓低賠率，講盤路？我都唔係好識睇，場上表現最重要，只覺呢支老人牌嘅大賽球隊冇霸氣。
輸咗要服氣，窮寇莫追，季初起捧曼聯阿仙奴十賭九勝，跟紅頂白，永遠係賭波場上必勝嘅法門！
http://hk.myblog.yahoo.com/footballexperts/
逢周一至五見報
蘋果波神
股市大旺，英超盛世，大家齊來贏多啲！