加拿大搖滾小天后AvrilLavigne(圖)噚日喺家鄉加拿大舉行戶外免費演唱會,當日天氣唔單止超級凍,仲大雪紛飛㖭,不過Avril竟然遲到個半鐘先上台,凍到台下班fans變雪條,有人上網留言話非常不滿,但都有人幫Avril辯護。
Julia︰我當時在場,着好多衫但依然好凍,Avril實在遲得太離譜,我嗰日對佢好失望。
FuXK2︰究竟係Avril蠢,定係喺冰天雪地等佢表演嘅人蠢?
MJ︰我對Avirl冇好感,但噚日溫哥華真係好大雪,可能佢因為咁而塞車遲到。
tara︰演唱會成日都遲開場,以前多倫多有次戶外騷遲成3個鐘,你哋唔好借故發Avril脾氣啦。
shanon︰我覺得Avril一朝得志之後,已經忘記自己嘅根源,佢真係愧為加拿大人。
marleygirl︰Avril係乞人憎,但因為個騷免費,啲歌迷先會提早走啫!如果個騷要買飛,個個都會甘願等幾個鐘。
網址: http://perezhilton.com/?p=9799#respond