賭blog日記:富咸領隊變晒! - 蘋果波神

賭blog日記:富咸領隊變晒! - 蘋果波神

4/12/2007.....
天晴

最新動態
上個禮拜整嗰份歐聯賽後報告都算幾準,當中以阿仙奴揸流攤後成功反底,中得最應;其他好似些路廸失分,車仔僅小勝(亞洲盤讓球半)都貼中,只可惜燕豪芬僅贏1粒,未能開入球大,過關斷纜。扮黎姿驗「死因」係,點都估唔到佢哋咁死板,用番作客中央陸軍贏波嘅雙箭頭續打正選。
我一直覺得阿仙奴今季目標看重聯賽多於歐聯,其實雲格有多次去到2、3月仲叫緊幾飛、諗住食鋪雙辣嘅經驗,可惜都係功敗垂成,證明要拿下雙料冠軍唔係容易;入冬後各隊傷停開始增多,唔用輪換制度都唔得。做人要知所進退,管理球隊亦然,你看剛奪得亞冠盃嘅紅鑽,喺聯賽衰收尾幾肉酸!
講起曼聯,佢哋99年攞過三冠王,絕對值得尊重,今晚主場對富咸,睇怕唔會好似紅鑽咁撻W啩!事關富咸今季睇過無數次,後防錯漏之多同臨尾香嘅鏡頭多不勝數,當你發現佢哋領隊係以前教過北愛、有「穩守突擊專家」之稱嘅山齊士,就會明白有啲人係去唔到嗰個級數。
http://hk.myblog.yahoo.com/footballexperts/
逢周一至五見報

蘋果波神
股市大旺,英超盛世,大家齊來贏多啲!