由王家衛執導，荷李活影星祖廸羅（JudeLaw）、NorahJones同麗素慧絲（RachelWeisz）主演嘅西片《藍莓之夜》（MyBlueberryNights）將於明年1月3日喺香港上映。《藍》片嘅官方網站（ http://www.wkw-myblueberrynights.com）噚日都開始啓動。
王家衛近日全世界四圍走為套戲做宣傳，佢早排去咗北京造勢，日前又同NorahJones去咗法國巴黎出席《藍》片首映，仲去埋里昂同觀眾做交流會，希望催谷票房。
獲法國表揚
電影公司選擇咗喺法國盧米埃爾電影博物館（InstitutLumiere）搞宣傳活動，呢間博物館大有來頭，係電影之父盧米埃爾兄弟嘅舊居，喺82年改建成電影博物館，收藏好多寶貴嘅電影歷史資料同珍藏。
盧米埃爾電影博物館為咗表揚王家衛對電影嘅熱誠同貢獻，決定將王家衛嘅名牌掛喺博物館外牆，仲喺首映當日由王家衛親自主持名牌揭幕儀式，博物館又會將1895年面世嘅第一套短片《Sortied'usine》嘅35厘米菲林送畀王家衛，非常有意義。
