夏雨噚日到港台接受訪問，宣揚照顧老人家嘅訊息，佢話近排有好多呢啲有關老人家嘅活動邀請佢出席，馮仁昭話可能同佢年紀有關，不過夏雨就死都唔肯認老，佢話：「我唔覺自己老，仲成日同啲後生鍊過，可能因為自己唔認老，所以唔使人哋讓我。」夏雨話喺街上見過年輕人唔尊重老人家，不過佢覺得有時長者都唔好恃老賣老，咁兩代之間相處就會好啲。