落選港姐、味之天使忌廉麥皓兒前晚被人在旺角大派「還我老公」的傳單，昨日記者致電給她，她表示前晚已從朋友口中得知此事，她說：「我朋友喺街見到有人派呢啲傳單，我根本唔知發生乜嘢事，我覺得自己好無辜，聽到都覺得好愕然，同埋裏面所講嘅內容百分之一百係假，根本就冇啲咁嘅事，𠵱家成件事我都交咗畀律師處理。」
指沒得罪人
由於傳單大致與爭仔和感情事有關，問麥皓兒近日可有與人爭仔時，她說：「冇呢啲咁嘅事！我近排亦都冇得罪人，所以都唔知邊個去做呢件事，但我屋企附近就冇見到呢啲傳單，總之我真係好無辜，全部根本唔係事實。」問她會否為此不開心，她說：「一定會唔開心，發生啲咁嘅事冇人會開心，總之成件事我根本都唔知發生乜嘢事。」
採訪：王崇穎