陳慧琳（Kelly）昨日到灣仔一排舞室，為周六舉行的金馬獎歌舞表演綵排。首次為金馬獎表演的Kelly表示，當晚將會表演一段50、60年代百老匯式歌舞，更會唱出《給我一個吻》等多首經典金曲。
盼明年獲提名
Kelly坦言十分緊張，她說：「好緊張呀，咁多電影人喺度，仲全亞洲都睇到。」Kelly表示希望能藉明年3月上映的《江山美人》提名金馬獎，她說：「𠵱家剪緊片，我都睇過吓，好滿意自己表現呀，覺得自己進步咗好多，同以前差好遠。」
問Kelly是否將重心轉投電影方面，她說：「其實真係好辛苦，拍呢部戲之前都準備咗三、四個月，再做打女都要收貴啲，買藥錢都要補番啦。」Kelly又表示明年6月趁紅館裝修前開演唱會。
採訪、攝影：藍文浩