李克勤昨日擔任《RoadShow紅人館》嘉賓主持，邀請了孫耀威、關楚耀及謝安琪做嘉賓，到美孚為節目錄影。完成錄影後，克勤即急不及待向傳媒展示譚詠麟送給他兒子Ryan的禮物。
撰英文心意卡
克勤說：「校長話條頸鏈係佢自己設計，再搵人訂做，用咗兩個月時間至做好，鏈墜係一個白玉BB，加埋一張用英文寫嘅心意卡，好難得校長今次咁有文化才學同品味，雖然冇上契，不過我都當佢係半個老竇，所以校長都算係BB個契公。」
克勤表示日前與太太盧淑儀到跑馬地養和醫院探病，被狗仔隊追訪，之後他收到該醫院的婦產科醫生投訴，克勤說：「醫生話有記者問佢太太係咪睇抑鬱，由產前講到產後到講我，已經講咗好耐，我哋好開心，如果爆燈指數係十，咁都有九。」
採訪、攝影：魯萍