亞冠盃盟主浦和紅鑽上周中喺日皇盃被乙組嘅FC愛媛踢出局，初時以為佢哋留力打前日對FC橫濱嘅日聯煞科戰，不過嗰場波佢哋完全唔對辦，最後輸0:1冇埋個聯賽錦標。佢哋班球員話俾亞冠盃搞到殘晒，睇嚟係真嘅；所以喺嚟緊舉行嘅世冠盃，佢哋雖則有主場之利，但我求大俠認為咪睇得佢哋太高，否則隨時損手。