超級市場貨品齊備兼價格相對低廉，但消費者偶一不慎，忘記查單，隨時會因慳得加，買貴貨，尤其每個星期轉價錢牌那一天，更是師奶必須留意的高危日。
「littlefatc9」日前到某大型超級市場買兩件貨品，發現價錢出錯，$20貨品變成$27，超出35%，查問下獲覆「今日全線電腦出錯」，「littlefatc9」十分不滿：「明知有問題都唔提啲客查單，即係有心呃人！」「karenfaifai」在另一家大型超市也遇到無端提價，經理還「死撐」，要他親自到貨架看價錢牌才得退錢，「真係呃得過份，博我哋唔查單！」
「小天使」：「十次有八次都收多咗，邊間都會。」「雙子媽媽」慨嘆：「一個月大量入一次貨，帶埋囝囝去，畀完錢要執嘢，要擺番啲錢，通常都唔查單。」
http://forum.baby-kingdom.com/viewthread.php?tid=1219471&extra=page%3D2