日本女歌手倖田來未前日喺東京巨蛋舉行全國巡迴演唱會嘅最後一場，出道7年嚟首次踏足巨蛋嘅佢，以6個唔同造型亮相，辣㷫45,000名fans。倖田以美人魚作個唱主題，並為奪回生命之匙而變身性感海盜。至於早前同佢合作過嘅韓國組合東方神起亦以嘉賓身份亮相，及後倖田唱最後一首歌《walk》時，終於忍唔住喊。