李克勤昨日在沙田出席adidas活動，對於有報道指其妻盧淑儀產後有怪病，要克勤相伴往養和醫院就診，克勤昨無奈地說：「我都睇咗，好無奈、失望同遺憾，我哋係去探病，我生仔啲朋友都日日嚟啦，唔知點解會演變到咁，做香港藝人都幾慘，影到相可以問我，我會答。」
「小朋友好健康」
問此事可有影響太太，克勤說：「有少少，冇辦法，藝人係咁，惟有逆來順受，總之冇怪病，小朋友好健康，一家人好開心。」
問克勤去探的朋友是誰，他稱：「係圈外人，我朋友，大家唔好亂猜測，我以後都唔去探佢。」
此外，有份入選叱咤男歌手最後五強的克勤，昨未能分身出席商台記招，他說：「要同商台講唔好意思。」
採訪、攝影：胡比