首長四方（730）股東猛料，反映嚟緊旗下媒體相關業務增值，股價係要現水位翻一番以上。首長四方大股東北京首鋼（持42%），第二大股東長實（001，持11%）。長實李超人兼透過聯繫人士，揸住首長四方旗下環球數碼（8271）嘅附屬公司GDCTech超過20%。首長四方由自身到旗下公司，都有猛料股東坐鎮。
又首長四方揸住嘅環球數碼，成本僅1億銀，所控環球數碼市值13億銀，為首長四方帶嚟12億銀增值，等於首長四方每股增值超過1蚊，首長四方現價都係0.75元。連附屬公司增值計，首長四方NAV1.52元，現價P/B得0.49倍，作為一家已經轉型媒體業嘅股份計，比對同類股高達兩三倍嘅P/B，首長四方抵到爆。首長四方要足額反映媒體業呢1蚊增值，現價要向上翻131%，打個5折，都講緊要升66%到1.25元。
卜蜂等爆上
卜蜂（043）日線圖三線滙聚，似係等爆。卜蜂主打飼料及畜牧業，呢期肉價高漲，近磅股好似雨潤食品（1068）炒完再炒，由大奇迹日到家陣，股價已經翻咗番，卜蜂同期都係升咗3%，卜蜂大落後。又卜蜂最新P/B2.5倍，唔算係平，但以同類股6、7倍P/B比，同類股仲誇張。再講，市場畀到食品股咁高P/B，原因就係通貨膨脹。呢轉短打卜蜂，上望下降阻力0.37元，潛在回報率15%，亦有魚有肉。
錢雋