吃漢堡，一般人只識去M記，識食的人會去Triple'sO，近年日、美的漢堡店紛紛進駐香港，為咗一個漢堡包，有人會排一粒鐘，有人會專登由新界搭車出香港，究竟日美兩國的漢堡邊樣最啱香港人口味，今次一於搵夠4位試食兵團，試食過江龍漢堡包店，睇吓邊款漢堡最啱港人口味？
記者：郭佩韻
攝影：陳陶鈞、陳盛臣
Model：Joe、Vicky、Zoe、Jonathan（TheGroup）
健康漢堡作招徠
ger即時在港插旗。FreshnessBurger在日本已有十多年歷史，打正旗號，即叫即製，用南瓜包、新鮮本地菜及無添加無激素澳洲牛肉作餡料，試圖令人知道吃漢堡包都可以好健康，健康並不等於無味道！
試食團友：（評分以10最高）
FreshnessBurger和風肉汁鮮堡★$22
50克新鮮番茄，混合芝士及明治醬，內有厚厚的牛肉，令整個Burger每一啖都有幾層口感，食過翻尋味。
Zoe：很重牛肉味，包很軟，菜亦很新鮮。
Joe：塊肉很有口感，芝士味、番茄各有千秋。
ClassicWWBurger特級雙層牛肉芝士鮮堡★$42
兩層厚厚的巨型漢堡，牛肉新鮮口感實在，雙層芝士很香濃，厚切洋葱及番茄，整體感覺，好新鮮。
Zoe：好難一口咬落去，塊牛肉好正，好有牛味。
Joe：牛肉彈牙又夠多肉，蔬菜又爽口，一啖有齊又彈又爽的感覺，吃完好滿足。
WasabiSalmonBurger三文魚漢堡包★$28
用油炸的三文魚柳做餡料，含豐富的Omega3，椰菜洋葱夠脆口，食落感覺很新鮮。
Zoe：以為Wasabi味會好辣，原來味道適中，配食三文魚柳好夾。
Joe：肉質雖不及牛肉有口感，但魚柳好新鮮，不會太腍。
TeriyakiBurger照燒牛肉鮮堡★$20
新鮮椰菜配燒汁，牛肉經炸過，中間有芝士調和，令整個Burger吃落感覺更新鮮，將烤過的牛肉即叫即炸，很惹味。
Zoe：牛肉雖然炸過但咬落唔油，可能椰菜吸了油份吧！
Joe：塊牛肉很脆，燒汁又甜又香，好似食緊鐵板燒咁。
FreshnessBurger（31010183）
地址：海港城海洋中心2層OT242舖
營業時間：10:00am-10:00pm
付款方式：現金
手掌般大美式漢堡
美式漢堡有很多捧場客，牛肉多汁且充滿牛肉味，令人一吃難忘，SHAKE'EMBUNS是正宗美式漢堡店，店內有奶昔、熱狗等出售，店舖細細，很有Cafe感覺，吃完漢堡，可以坐低慢慢傾偈，不過，店內的漢堡包很巨型，幾乎大過隻手掌，男士一口咬一啖，有少少吃力，何況是女士，細食少少，需要一個包兩人分吃呢！
Cushin'forthePushin'特級芝士漢堡★$55
用新鮮牛肉剁成的漢堡扒，足2厘米厚，即叫即煎，4塊又紅又大的番茄，青綠清甜的生菜，一咬，「嘩」一聲，食唔停口！
Vicky：嘩！好大個漢堡，我要分開食先得，塊牛肉好足料，食三啖已經夠晒飽。
Jonathan：食落真係無得頂，芝士好香，牛肉味濃，份量好足，我咁大食，食一個飽晒。
HotChick雞肉漢堡★$48
把雞胸肉醃好煎香，配沙律醬汁，適合不吃牛肉的人。
Vicky：雞肉比牛肉漢堡無咁膩口，雞肉似冰鮮雞，無雪味。
Jonathan雞肉唔會好亁，沙律醬汁同樣做到好Juicy！
HawaiianSurferGirl菠蘿煙肉漢堡★$60
煎香的新鮮菠蘿和煙肉，啖啖肉，最適合無肉不歡的食客。
Vicky：「個菠蘿好新鮮，好甜唔酸，漢堡扒依然係咁厚，抵食呀！」
Jonathan：「一句講晒好味！食一個漢堡本來好滯，但有塊菠蘿平衡吓，慢慢食會食得晒成個包。」
SHAKE'EMBUNS（25726220）
地址：銅鑼灣開平道5號地舖
營業時間：11:30am至12:00mn（星期三至日延長至2:00am）
付款方式：現金
有飯開！速速試食！
為食唔係罪，有免費餐唔食就罪大惡極，本版現正招攬試食兵團，由本版記者帶團員捐窿捐罅，食盡香港九龍新界，誓要你捧住個肚返屋企。講明先，團員奉旨出鏡，奉旨見報，怕醜者免問，有興趣請填妥以下資料，寄往將軍澳郵箱65368號《蘋果日報》「試食兵團」收。記住，唔係偷食，係明請你食，唔使抹嘴。
‧必須憑報紙上的參加表格才可以參加。