周日又有選舉，不過小弟住九龍，投票冇我份，同部份家在香港嘅朋友傾開，佢哋投票意欲都不大，事關任期只得幾個月，已經對之前「文革式」抹黑感到厭倦。
掃把頭話自己冇親中背景支持，不過資源同動員力真係強勁，連我屋企附近個地鐵站都有佢大頭海報，睇嚟呢次立法會補選只係小試牛刀，部署幾年後選特首先真；同朋友吹開水，如果掃把頭、鷹哥同糖糖選特首，佢哋會點揀，結果同聲話移民。
要移民都要水腳，周日我就博西甲蠱惑波拉科，上仗贏盤咁「符碌」，今次主場對奧沙辛拿輸番突啦。
讓球：奧沙辛拿（下）
心得：拉科夠蠱惑
近5場往績：輸輸贏贏贏
牽牛
施丹退休，頓感失落，期待阿仙奴的法比加斯他朝有此神乎奇技。